180077 persoas visitaron o monte Trega no 2015
O número de visitantes que accederon ó monte Santa Trega entre o 15 de febreiro e o 31 de decembro do 2015 foi de 180077 persoas, o que significa un incremento de 13029 persoas con respecto a temporada de 2014.
O mes con maior número de visitantes foi o de agosto, con 50904 turistas e os de menor afluencia os de febreiro e decembro (4834 visitantes). Cabe sinalar o incremento de practicamente 2000 visitantes que se produciu nos meses de outubro e novembro (18700 visitantes en 2015 fronte os 16885 de 2014).
A estes datos, totalmente obxectivos, habería que engadirlle unha importante número de visitantes que acceden ó monte o mes de xaneiro e sobre todo os luns do ano, datas nas que o Masat e a caseta de cobro permanece pechados.
Das persoas que accederon ó Monte, o Museo Arqueolóxico de Santa Trega (MASAT), recibiu a visita de 52.000 turistas. Ademais, as persoas que optaron por participar nas visitas guiadas, servizo que o Padroado Monte Trega prestou entre os meses de abril e outubro, sumaron un total de 13800 visitantes.
Por último sinalar que máis de 1000 alumnos de colexios procedentes de distintos puntos de Galicia participaron nalgún dos distintos obradoiros didácticos desenvolvidos no MASAT e ó redor de 800 alumnos dos centros educativos da Guarda asistiron ás visitas organizadas con motivo da reescavación da zona de Mergelina.