Curso de Formación Continua para Persoal Técnico de Clubs deportivos o 25 e 26 de novembro en Poio
Os días 25 e 26 deste mes de novembro a Escola de Canteiros de Poio acolle a última edición do ano 2016 do Curso de Formación Continua para Persoal Técnico de Clubs deportivos organizado pola Deputación de Pontevedra, dentro do Plan de formación deportiva 2016.
Os días 25 e 26 deste mes de novembro a Escola de Canteiros de Poio acolle a última edición do ano 2016 do Curso de Formación Continua para Persoal Técnico de Clubs deportivos organizado pola Deputación de Pontevedra, dentro do Plan de formación deportiva 2016.
O obxectivo desta iniciativa é mellorar a formación do persoal técnico dos clubs e asociacións deportivas da provincia e, por outra banda, mellorar a calidade xestora das entidades deportivas, mediante a formación do persoal das mesmas. Os asistentes ó curso recibirán un certificado de asistencia e aproveitamento tras recibir un total de 12 horas de formación presenciais e 8 horas a través dunha plataforma online.
Durante estas 20 horas do curso se tratarán diversos asuntos como a educación formal e non formal no ámbito educativo, a preparación física tanto conxunta como individualizada nos deportes colectivos, as técnicas de adestramento en deportes de combate ou as medidas de recuperación.
Entre os ponentes do curso se inclúen xente de recoñecido prestixio no mundo do deporte. Así, contarán con Pepe Casal, preparador físico das seleccións nacionais e olímpicas de baloncesto; Manuel Pombo, preparador físico de clubs de primeira división de fútbol; Nicolás Castro, adestrador do equipo nacional de loita olímpica; Diego Rojo, asesor de ensinanzas deportivas e Juan Sanjosé García, fisioterapeuta especializado en ortopedia manual.
Dende a Concellería de Deporte da Guarda anímase a participar nunha acción formativa que busca difundir o espírito pedagóxico que debe caracterizar ó deporte escolar e xuvenil. Ademais, o curso é de balde e pódense apuntar máis de un técnico por club. Para máis información e para realizar as inscricións poden consultar o seguinte enlace http://www.depo.es/curso-de-formacion-continua-para-tecnicos-e-directivos-de-clubs-deportivos.