Arranca na Guarda o curso “Brincadeiras de sempre” dentro do programa da Deputación ‘Tecendo lazos’
Este mércores día 21 de decembro deu comezo o curso “Brincadeiras de sempre”, que se imparte ata finais deste mes na Guarda a través da acción da Deputación de Pontevedra Tecendo lazos.
Este mércores día 21 de decembro deu comezo o curso “Brincadeiras de sempre”, que se imparte ata finais deste mes na Guarda a través da acción da Deputación de Pontevedra Tecendo lazos.
Os participantes que asistiron a esta primeira xornada amosaron ilusión por dar comezo un curso no que se ensinará a construír xoguetes tradicionais cos que se xogaba noutrora, e así lograr que pequenos e maiores interactúen e creen espazos comúns. Ademais, á súa vez, os pequenos terán a oportunidade de amosar aos seus familiares os xoguetes e xogos actuais. O curso se desenvolverá ata o día 28 polas tardes de 17 a 19’30 horas no Sinde Vello.
Comeza así un curso que nace como parte do programa Tecendo lazos da Deputación de Pontevedra e que ten por finalidade desenvolver obradoiros interxeracionais no ámbito do lecer e do tempo libre cos que se pretende crear espazos para o encontro entre diferentes xeracións poboacionais.