A Guarda será un dos escenarios da primeira docuserie sobre o Camiño Portugués a Santiago da Costa
A pesar de que é un dos Camiños a Santiago máis fermosos e espectaculares, o Camiño Portugués da Costa tamén é un dos máis descoñecidos.
A pesar de que é un dos Camiños a Santiago máis fermosos e espectaculares, o Camiño Portugués da Costa tamén é un dos máis descoñecidos.
Para todos aqueles que aínda non o coñecen ou que desexan saber un pouco máis sobre a súa historia e sobre os lugares polos que transita, este vindeiro martes 5 de xullo, a Televisión de Galicia emitirá o primeiro dunha serie de trece programas adicados en exclusiva á difusión desta ruta.
Este programa sobre o Camiño Portugués a Santiago da Costa terá un formato innovador coa fin de dar a coñecer non só este Camiño senón tamén co obxectivo de promover a cultura e o turismo das vilas polas que pasa o Camiño dun xeito dinámico e atractivo.
Para isto, a canle pública galega realizou unha docu ficción, cun marcado tono cómico, que fará esta promoción a través dunha historia de ficción de amor-odio entre un home e unha muller que recorrerán as trece etapas da ruta. Durante eses trece programas percorrerán as vilas que separan O Porto e Santiago, cunha parada moi especial na Guarda, a primeira vila do Camiño en terras galegas.